பெருமானார் போதித்த வஸீலா

🌹வஸீலாவை போதித்த பெருமானார்  ﷺ 🌹

ஆக்கம் : மவ்லானா  பீர் முஹம்மது சதகி அஷ்அரீ

ஸெய்யிதினா உஸ்மான் ரலியல்லாஹ் அன்ஹு அவர்கள் இடம்பெறும் ஹாஜத் தொழுகையின் ஆதாரம்,

இந்த ஹதீஸில் உஸ்மான் எனும் இரண்டு சஹாபாக்கள் வருகிறார்கள்.

1. உஸ்மான் இப்னு அஃப்பான் ரலியல்லாஹு அன்ஹு,

2. உஸ்மான் இப்னு ஹுனைஃப் ரலியல்லாஹு அன்ஹு ஆகியோர்.

 

روى الترمذي في جامعه في كتاب الدعوات عن الصحابي عثمان بن حنيف قال :

உஸ்மான் இப்னு ஹுனைஃப் ரலியல்லாஹு அன்ஹு அவர்களைத் தொட்டும் வரக்கூடிய ஹதீஸை இமாம் திர்மிதி ரஹ்மத்துல்லாஹி அவர்கள் பதிவு செய்கிறார்கள்:

أن رجلا ضرير البصر أتى النبي صلى الله عليه وسلم فقال :

பார்வை பறிபோன ஒருவர் நபி ஸல்லல்லாஹு அலைஹி வஸல்லம் அவர்களிடம் வந்து கூறினார்:

ادعُ الله أن يعافيني

எனக்கு அல்லாஹ் சுகம் தரவேண்டும் என்று துவா செய்யுங்கள்

قال : إن شئتَ دعوتُ ، وإن شئتَ صبرتَ فهو خير لك

நீர் விரும்பினால் உமக்காக நான் துவா செய்கிறேன், மேலும் நீ பொறுமையுடன் இருக்க நாடினால் அது உனக்கு மிகவும் சிறந்தது இன்று பெருமானார் கூறினார்கள்.

. قال : فادْعه ،

அவர் கூறினார் அந்த (விஷயத்திற்காக எனக்கு) நீங்கள் துவா(வே) செய்து விடுங்கள்,

قال : فأمره أن يتوضّأ فيحسن وضوءه

அழகிய முறையில் உளூச் செய்ய பெருமானார் ஏவினார்கள்,

ويدعو بهذا الدعاء

மேலும் இந்த துவாவை ஓதச் சொன்னார்கள்,

بعد أن يصلي ركعتين

இரண்டு ரக்அத் தொழுததற்கு பின்னால்,

: " اللهم إني أسألك وأتوجّه إليك بنبيك محمد نبي الرحمة ،

யா அல்லா உன்னிடத்தில் நான் கேட்கிறேன் மேலும் ரஹ்மத்தான நபி முஹம்மத் ஸல்லல்லாஹு அலைஹி அவர்களை உன்பக்கம் வைத்து அவர்களை முன்னோக்கி உன்னிடம் கேட்கிறேன்,

يا محمد

ஓ முஹம்மது ஸல்லல்லாஹு அலைஹி வஸல்லம் அவர்களே!!!

إني توجهت بك إلى ربي

நிச்சயமாக நான் என் ரப்பின்பக்கம் உங்களை கொண்டே முன் நோக்கினேன்,,,

في حاجتي لتقضى لي ،

என்னுடைய தேவைகள் நிறைவேற்றப்பட வேண்டும் என்பதற்காக,,,

اللهم شفعه فيّ "

யா அல்லாஹ் (பெருமானார்) அவர்கள் என்னுடைய விஷயத்தில் செய்யும் (ஷஃபாஅத்) பரிந்துரையை ஏற்றுக் கொள்வாயாக,,

وفي الحديث إن الرجل لم يغادر المجلس إلا وقد عافاه الله .

அந்த மனிதர் அந்த சபையை விட்டு போவதற்கு முன்னால் அல்லாஹ் அவருக்கு நிவாரணம் அளித்து விட்டான்...

قال الترمذي : هذا حديث حسن صحيح

இமாம் திர்மிதி ரஹ்மத்துல்லாஹி அலைஹி அவர்கள் கூறுகிறார்கள்...

( இந்த ஹதீஸ் ஹஸன் ஸஹீஹ்)

 - திர்மிதீ : 3578

 - நஸயில் குபுரா : 10495

 - அஹ்மது : 17279,

இந்த வார்த்தையைச் சொல்லி வஹ்ஹாபிகளே எந்த ஒரு நாளாவது நீங்கள் தொழுது இருப்பீர்களா???

யாஅல்லாஹ் என்று மட்டும்தான் சொல்வதற்கு அனுமதி இருக்கிறது.

யா ரசூலுல்லாஹ் என்று சொல்வதே ஷிர்க் என்று கூறுபவர்களே !

இவ்வாறு தொழுகையில் ஓத வேண்டும் என்று சொல்லி இமாம்கள், ஸலஃப் ஸாலிஹீன்கள் தங்கள் கிதாபுகளில் தலைப்பிட்டது உங்களுக்கு தெரியாதா ???

மேலும்,

ذكر ذلك الإمام النووي في كتاب الأذكار باب أذكار صلاة الحاجة )

இமாம் நவவி ரஹ்மத்துல்லாஹி அலைஹி அவர்கள் தங்களுடைய கிதாபுல் அதுகாரில் தேவையை நிறைவேற்றித் தொழுகும் ஸலாத்துல் ஹாஜத் எனும் தொழுகையில் ஓதும் திக்ருகள் என்ற தலைப்பில் இந்த ஹதீஸை கொண்டு வருகிறார்கள்...

நபியின் மரணத்திற்குப் பின்னாலும் ஒருவர் இவ்வாறு தொழுது யா முஹம்மது ஸல்லல்லாஹு அலைஹி வஸல்லம் என்று தன் துஆவில் சேர்க்க வேண்டும் என்று ஸஹாபாக்களும், ஸலஃப் ஸாலிஹீன்கள் சொல்லி இருக்கிறார்கள்,

 

 [عن عثمان بن حنيف:] أنَّ رجلًا كان يختلِفُ إلى عثمانَ بنِ عفانَ رضي اللهُ عنه في حاجةٍ له، 

ஒரு மனிதர் தனக்கு உரிய தேவையை நிறைவேற்றித் தர 

உஸ்மான் ரலியல்லாஹ் அன்ஹு 

(அவர்களிடம் சந்தித்து பேசுவதற்கு அனுமதி வேண்டி) வாதித்துக் கொண்டு இருந்தார்...

فكان عثمانُ لا يلتَفِتُ إليه،

உஸ்மான் ரலியல்லாஹ் அன்ஹு அவர்கள் அவரின் பக்கம் திரும்பி(க்கூட) பார்க்கவில்லை...

ولا ينظرُ في حاجتِه

அவரின் தேவையை கண்டுகொள்ளவில்லை.

فلقِيَ عثمانَ بنَ حُنَيفٍ، فشكا ذلك إليه،

எனவே உஸ்மான் இப்னு ஹுனைஃப் ரலியல்லாஹு அன்ஹு அவர்களை சந்தித்து முறையிட்டார்,,,

فقال له عثمانُ:

அவருக்கு கூறினார்கள்:

ائتِ الْمِيضأةِ،فتوضَّأَ،

ஒழு செய்யும் இடத்திற்கு சென்று ஒழு செய்,,,

ثم ائْتِ المسجدَ، فصَلِّ فيه ركعتَينِ،

பிறகு பள்ளிவாசலுக்கு வந்து இரண்டு ரக்அத் தொழு....

ثم قل: اللهمَّ إني أسألُك وأتوجَّهُ إليك بنبيِّنا محمدٍ ﷺ نبيِّ الرحمةِ،

பிறகு துஆ செய்,,,

யா அல்லாஹ் ! ரஹ்மத்தான நபி முஹம்மத் ஸல்லல்லாஹு அலைஹி வஸல்லம் அவர்களை வைத்து உன்னை நான் முன்னோக்குகிறேன்,,

يا محمدُ

ஓ முஹம்மத் ஸல்லல்லாஹு அலைஹி வஸல்லம் அவர்களே,

إني أتَوَجَّه بك إلى ربِّك عزَّ وجلَّ،

உங்களை வைத்தே உங்கள் இறைவனை நான் முன்னோக்குகிறேன்,,

فيقضى لي حاجَتي، -

(எதற்காக என்றால்) என் தேவை எனக்கு நிறைவேறுவதற்காக வேண்டி (இவ்வாறு பிரார்த்திக்கிறேன்)

உஸ்மான் இப்னு ஹுனைஃப் ரலியல்லாஹு அன்ஹு அவர்கள் இந்த துஆவை சொல்லி விட்டு சொல்கிறார்கள்,,

وتذكَّر حاجتَك -

உன் தேவையை நீ (இவ்வாறு) கூறு,,

ورُحْ إليَّ حتى أروحَ معك،

என்னோடு வா நானும் உன் கூடவே வருகிறேன்,,,

فانطلق الرجلُ فصنع ما قال،

அந்த மனிதர் நடந்து சென்றார், அவ்வாறே கூறினார்,,

.

ثم أتى بابَ عثمانَ بنِ عفانَ رضيَ اللهُ عنه،

பிறகு உஸ்மான் இப்னு அஃப்பான் ரலியல்லாஹு அன்ஹு அவர்களின் (வீட்டின்) கதவுக்கு அருகில் வந்தார்,,

فجاء البوّابُ حتى أخذ بيدِه،

வாயிற் காவலர் வந்து அவரை தடுத்தார்,,,

فأدخلَه عليه،

( ஆனால், உஸ்மான் ரளியல்லாஹு அன்ஹு அவர்கள் அவரை ) உள்ளே அனுமதித்தார்கள்,,

فأجلَسه معه على الطَّنفَسةِ،

தன்னுடன் விரிப்பின் மீது அவரை அமரச் செய்தார்கள்,,

وقال: حاجتَك؟

உங்களது தேவை என்ன என்று கேட்டார்கள்,,

فذكر حاجتَه،

அவர் தன் தேவையை கூறினார்,,

فقضاها له،

அதை அவருக்கு நிறைவேற்றி கொடுத்தார்கள்,,

ثم قال له: ما ذكرتُ حاجتَك حتى كانت هذه الساعةُ،

இந்த நேரம் வரை நான் உம்முடைய தேவை என்ன என்று எனக்கு நினைவில் இல்லாமல் இருந்தது,,

 (இப்பொழுதுதான் நினைவு வந்தது)

وقال: ما كانت لك من حاجةٍ فأْتِنا،

உமக்கு என்ன தேவை இருந்தாலும் நீர் நம்மிடம் வரலாம்,

ثم إنَّ الرجلَ خرج من عندِه،

பிறகு அந்த மனிதர் அவர்களிடமிருந்து விடை பெற்றுச் சென்றார்,,,

فلَقِيَ عثمانَ بنَ حُنَيفٍ،

உஸ்மான் இப்னு ஹுனைஃப் ரலியல்லாஹு அவர்களை சந்தித்தார்,,,

فقال له: جزاك اللهُ خيرًا،

உங்களுக்கு அல்லாஹ் நற்கூலி வழங்குவானாக என்று கூறினார்,,

ما كان ينظرُ في حاجتي، ولا يلتفِتُ إليَّ حتى كلَّمتَه فيَّ،

நீர் எனக்கு சொல்லிக் கொடுத்த விஷயம் இல்லாத வரைக்கும் அவர் என் தேவையை நிறைவேற்றவும் இல்லை, என் பக்கம் திரும்பியும் பார்க்கவில்லை.

(அதாவது பெருமானார் ஸல்லல்லாஹு அலைஹி வஸல்லம் அவர்களை வைத்து வசீலா தேடி செய்த துஆ பரக்கத்தின் மூலமாக அரசாங்க அலுவல் காரியம் மிக மிக விரைவாக முடிந்துவிட்டது என்று அந்த ஸஹாபிக்கு நன்றி சொல்கிறார்).

فقال عثمانُ بنُ حُنَيفٍ: واللهِ ما كلَّمتُه،

உஸ்மான் இப்னு ஹுனைஃப் ரலியல்லாஹு அன்ஹு அவர்கள் கூறினார்கள் :

 அல்லாஹ்வின் மீது ஆணையாக அந்த விஷயத்தை நான் உனக்கு சொல்லித் தரவில்லை,,

(மாறாக இந்த வார்த்தைகள் நபி ஸல்லல்லாஹு அலைஹி வஸல்லம் அவர்கள் கற்றுக் கொடுத்தது)

ولكن شهدتُ رسولَ اللهِ ﷺ وأتاه ضريرٌ، فشكا إليه ذهابَ بصرِه،

மாறாக,

பெருமானாரிடம் நான் இருந்த பொழுது கண் பாதிக்கப்பட்ட ஒருவர் பெருமானாரிடம் அவர் பார்வை பறிபோனது சம்பந்தமாக முறையிட்டார்,,

فقال له النبيُّ ﷺ: فتصبِرُ؟

நபி ஸல்லல்லாஹு அலைஹி வஸல்லம் அவர்கள் கேட்டார்கள்.

நீர் பொறுமையாக இருப்பீரா???

فقال: يا رسولَ اللهِ إنه ليس لي قائدٌ، وقد شقَّ عليَّ،

அல்லாஹ்வின் தூதரே என்னை அழைத்துச் செல்பவர் யாரும் இல்லை அதனால் எனக்கு சிரமமாக இருக்கிறது,,,

فقال النبيُّ ﷺ: ائْتِ الميضَأةَ،

நபி ஸல்லல்லாஹு அலைஹி வஸல்லம் அவர்கள் கூறினார்கள் ஒழு செய்யும் இடத்திற்குப் செல்லும்,,,

فتوضأ ثم صلِّ ركعتَينِ،

உளுச் செய்து இரண்டு ரக்அத் தொழும்,,,

ثم ادْعُ بهذه الدَّعواتِ

பிறகு இந்த துவாவை ஓதும் என்று கற்றுக் கொடுத்தார்கள்,,,

قال عثمانُ بنُ حُنَيفٍ: فواللهِ ما تفرَّقْنا، وطال بنا الحديثُ حتى دخل علينا الرجُلُ كأنه لم يكن به ضُرٌّ قطُّ.

அல்லாஹ்வின் மீது ஆணையாக நாங்கள் அவ்வாறு பேசிக்கொண்டே இருந்தோம். கடைசியாக அந்த மனிதர் எந்தவிதமான கஷ்டமும் இல்லாத நிலையில் எங்களிடத்தில் வந்தார்.

أخرجه ابن خزيمة (٢/٢٢٥) مختصراً، والطبراني (٩/١٧)، والحاكم في «المستدرك» (١/٧٠٧)

முஸ்ததுரகுல் ஹாகிம் 1/ 707

தப்ரானீ 9/17

இப்னு ஹுஸைமா 2/225

صححه امام منذري في الترغيب والترهيب 1/476

இமாம் முன்திரிய்யி அவர்கள் இந்த ஹதீஸ் ஸஹீஹானது என்று சான்று கொடுத்துள்ளார்கள்.

وقال المنذري في كتابه ( الترغيب والترهيب ) باب صلاة الحاجة

தேவையை நிறைவேற்றக்கூடிய தொழுகை ஸலாத்துல் ஹாஜத் எனும் தலைப்பின் கீழ் இதை கொண்டு வந்துள்ளார்கள்.

அத் தர்ஃகீப் வத் தர்ஹீபு 1/476

 இமாம் சுயூத்தி ரஹ்மத்துல்லாஹி அலைஹி அவர்களும் தங்களுடைய அமலுல் யவ்மி வல்லய்லாவில் 

ஸலாத்துல் ஹாஜத் தேவையை நிறைவேற்றும் தொழுகை முறை எனும் தலைப்பில்தான் பதிவு செய்துள்ளார்கள்.

இமாம் இப்னு ஹஜர் ஹைஸமீ இந்த ஹதீஸ் ஸஹீஹானது என்று கூறியுள்ளார்கள்.

அல் மஜ்மஃ ஸவாயித் 2/279

இத்திஹாபுல் அதுகியா 10/8

இந்த ஹதீஸின் துவாவில் வரும் மூன்று முக்கியமான வாக்கியங்கள்,,,

முதலில் அல்லாஹ்வை அழைத்து,

1. யா அல்லாஹ் நபிகளாரின் பொருட்டால் என் தேவையை பூர்த்தி செய்வாயாக,

இரண்டாவது நபிகளாரை அழைத்து,

2. முஹம்மது நபி ஸல்லல்லாஹு அலைஹி வஸல்லம் அவர்களே எனக்காக அல்லாஹ்விடம் இந்த விஷயத்தில் பரிந்துரை செய்யுங்கள்,

மீண்டும் மூன்றாவதாக அல்லாஹ்வை அழைத்து,

3. யா அல்லா நபிகளார் எனக்கு இந்த விஷயத்தில் செய்யும் பரிந்துரையை ஏற்றுக் கொள்வாயாக.

புரிகிறதா உங்களுக்கு ? ? ?

தர்காவில் என்ன நடக்கிறதோ அது தான் இங்கு நடந்துள்ளது !!!

ஒரு மனிதர் ஒரு மஹானுடைய தர்காவிற்கு செல்கிறார்,

அங்கு அருகில் இருக்கும் பள்ளியில் தேவையை நிறைவேற்றி ஹாஜத் நபீல் இரண்டு ரக்அத் தொழுது

முதலாவதாக அல்லாஹ்விடத்தில்,

1. இறைவா இந்த நல்லடியாரை முன்வைத்து உன்னிடம் நான் கேட்கிறேன் என் தேவையை நிறைவேற்றித்தா என்கிறார், 

பிறகு இரண்டாவதாக இறைநேசர்களிடம்,

2. அல்லாஹ்வின் நல்லடியார்களே எனக்கு இந்த விஷயத்தில் தேவை நிறைவேற அல்லாஹ்விடம் பரிந்துரை செய்யுங்கள் என்கிறார், 

பிறகு மூன்றாவதாக அல்லாஹ்விடம்,

3. யா அல்லாஹ் அவர்கள் எனக்காக உன்னிடம் செய்யும் இந்த பரிந்துரையை நீ ஏற்றுக் கொள்வாயாக !

இதைத்தான் தர்காவில் செய்கிறார்கள்,

 இந்த முறையை நாங்கள் யாரிடம் இருந்து கற்றுக் கொண்டோம் ?

யார் எங்களுக்கு இதை அனுமதித்தது ?

பதிலேதும் உங்களிடம் இருக்கிறதா ?

அல்லாஹ்வை அழைத்து பிறகு ஒரு நல்லடியார் இடம் தனக்காக அல்லாஹ்விடம் கேட்க சொல்லி பிறகு அல்லாஹ்விடம் யா அல்லாஹ் எனக்காக கேட்கும் இந்த நல்லடியாரின் பரிந்துரையையும் நீ ஏற்றுக் கொள்வாய் என்று சொல்வதில் என்ன இணைவைப்பை கண்டு விட்டீர்கள் ! ! !

  

இது தானே நபிகளார் வாழும் பொழுதும் நபிகளாரின் மரணத்திற்குப் பின்னாலும் ஹதீஸில் சொல்லப்பட்டுள்ளது !

ஹதீஸில் அந்த மனிதர்,

இதை நீங்கள் தானே எனக்கு சொல்லி கொடுத்து உள்ளீர்கள் என்று  நினைத்துக் கொண்டார் ,,

அதற்கு அந்த சஹாபி  அல்லாஹ்வின் மீது சத்தியமிட்டு கூறுகிறார்கள்,,,

இதை நான் சொல்லவே இல்லை இதை சொன்னது நபிகள் நாயகம் ஸல்லல்லாஹு அலைஹி வஸல்லம் அவர்கள்,,

فقال عثمانُ بنُ حُنَيفٍ: واللهِ ما كلَّمتُه،

உஸ்மான் இப்னு ஹுனைஃப் ரலியல்லாஹு அன்ஹு அவர்கள் கூறினார்கள் : 

அல்லாஹ்வின் மீது ஆணையாக அந்த விஷயத்தை நான் உனக்கு சொல்லித் தரவில்லை,

மாறாக நபி ஸல்லல்லாஹு அலைஹி வஸல்லம் அவர்கள் தான், கண் பாதிப்பால் கஷ்டம் அடைந்த ஒருவருக்கு இவ்வாறு தேவையை நிறைவேற்றி தொழும் முறையை கற்றுக்கொடுத்தார்கள் என்று அந்த சஹாபி சத்தியமிட்டு கூறுகிறார்கள்...

உஸ்மான் இப்னு ஹுனைஃப் ரலியல்லாஹு அன்ஹு அவர்களின் போல நாங்களும் சத்தியமிட்டு கூறுகிறோம் இந்த முறைகளை நாங்களாக செய்யவில்லை,

நபி ஸல்லல்லாஹு அலைஹி வஸல்லம் அவர்கள் தான் இந்த முறையை கற்றுக் கொடுத்தார்கள்.

குறைந்தபட்சம் ஒரு மூமின் தன் வாழ்வில் சிரமம் ஏற்படும் பொழுது நபி ஸல்லல்லாஹு அலைஹி வஸல்லம் அவர்கள் கற்றுக் கொடுத்த இந்த முறையை செய்வது சுன்னத்தாகும்.

இது நல்லோர்களின் வழிமுறையும் கூட.

قال الواسطي وقد ذكر لي الشيخ أبو الفرج بن الخباز أن شيخه الشيخ محمد البزاز القطيعي حدثه عن الشيخ عبد القادر

ஷேஹ் அப்துல் காதிர் ஜீலானி ரஹ்மதுல்லாஹி அலைஹி அவர்களைத் தொட்டும் இமாம் வாஸிதீ ரஹிமஹுல்லாஹ் அவர்கள் மூலமாக அறிவிக்கப்படும் ரிவாயத் :

 أنه كان إذا ألم به نازل أو حادث

ஏதேனும் கடுமையான சோதனையோ, கஷ்டங்களோ அவர்களுக்கு நிகழ்ந்து விட்டால்

 يحسن الوضوء ويصلي ركعتين الله ويصلي على النبي ﷺ مرارا

அழகான முறையில் உளூச் செய்து, இரண்டு ரக்அத் தொழுது, பிறகு நபி ஸல்லல்லாஹு அலைஹிவஸல்லம் அவர்களின் மீது அதிகமாக ஸலவாத்து கூறியபின்,

 ويقول أغثني يا سيدي يا رسول الله عليك الصلاة والسلام

" யா ஸய்யிதீ யா ரஸூலல்லாஹ்‌ உங்கள் மீது சாந்தமும் சமாதானமும் உண்டாகட்டும் எனக்கு உதவி செய்யுங்கள் " என்று கூற வேண்டும்,

 يربط القلب بالنبي عليه الصلاة والسلام

நபி ஸல்லல்லாஹு அலைஹி வஸல்லம் அவர்களோடு தனது இதயத்தை இணைக்க வேண்டும்,

 ويناجيه بلسان الأدب مستمدا منه عليه صلوات الله

பிறகு நபி ஸல்லல்லாஹு அலைஹி வஸல்லம் அவர்களிடம் உதவியை வேண்டி  ஒழுக்கம் நிறைந்த வார்த்தைகளுடன் (கீழ்வரும் இந்த துவாவை ஓதிய வண்ணம்) கேட்க வேண்டும்,

 قائلا : أيـدركـنـي ضـيـم وأنـت ذخيرتي

நீங்கள் என்னுடன் இருக்கும் பொழுது எனக்கு சிரமம் வந்தடையுமா !

 وأظـلـم فـي الدنـيـا وأنـت نـصـيـري 

நீங்கள் எனக்கு உதவியாளராக இருக்கும் பொழுது இந்த துன்யாவில் (எனக்கு பாதை இன்றி) இருள் கவ்வி விடுமா !

وعار على راعي الحمى وهو في الحمى إذا ضاع فـي الـبـيـدا عـقـال بـعـيـري 

...........

இவ்வாறு இந்த அழைப்புகளை விடுத்ததற்குப்பின்னால்,

 

ويكثر بعد ذلك من الصلاة والسلام على النبي ﷺ فيفرج عنه

நபி ஸல்லல்லாஹு அலைஹி வஸல்லம் வண்ணார் மீது அதிகமாக ஸலவாத்து ஓதவேண்டும் அவரைத் தொட்டும் இருக்கும் கஷ்டங்கள் நீங்கி விடும்.

وكان يأمر أصحابه بالاستمداد من رسول اللہ ﷺ بهذه الكيفية وتشملهم العناية من روحه

நபி ஸல்லல்லாஹு அலைஹி வஸல்லம் அவர்களின் ஆத்மாவின் மூலமாக உதவி தேடும் இந்த முறையை தன் தோழர்களுக்கு ஏவக்கூடிய வழமையை முஹ்யித்தீன் அப்துல் காதிர் ஜீலானி ரஹிமஹுல்லாஹ் அவர்கள் கொண்டிருந்தார்கள்.

நூல் : ரவ்ழதுந் நாழிரீன்,

ஆசிரியர் : அஹ்மத் பின் முஹம்மத் அஷ் ஷாஃபியீ அர் ரிஃபாயீ,

பக்கம் : 86,87.

அல்லாஹு வரஸூலுஹு அஃலம்.