ஸலாவத்தும் ,அல்லாஹ்வின் அருளும்

🌹 ஸலாவத்தும் ,அல்லாஹ்வின் அருளும் 🌹

நாயகத் தோழர் ஸெய்யிதினா அனஸ் பின் மாலிக் رضي الله عنه அவர்கள் அறிவிக்கின்றார்கள்,ஷபீயுல் முத்னிபீன்  ﷺ அவர்கள் நவின்றார்கள் , " எவரொருவர் என் மீது ஒரு முறை ஸலவாத் சொல்வாரோ,அல்லாஹ்  سبحانه و تعالى அவர் மீது பத்து முறை அருள்புரிகின்றான்.ஸலவாத் ஓதியவரின்  பத்து பாவங்களை அருளாளன் அல்லாஹ்  سبحانه و تعالى மன்னித்து விடுகின்றான்.அவரது அந்தஸ்த்தை பத்து மடங்கு உயர்த்துகின்றான். " 

📚 ஸுனன் நஸாயீ ,பக்கம் 181,182,ஹதீஸ் # 1297

ஹயாத்துல் அன்பியா

🌹 ஹயாத்துல் அன்பியா 🌹

இமாம் இப்னு அபீஷைபா رَحِمَهُ ٱللَّٰهُ ( மறைவு ஹிஜ்ரி 235)  அவர்கள் ஸஹீஹான ஸனதுடன் கூடிய அறிவிப்பாளர் தொடருடன் அறிவிக்கின்றார்கள் ,

" நாயகத் தோழர் ஹழ்ரத் ஸெய்யிதினா அனஸ் رضي الله عنه அவர்கள் அறிவிக்கின்றார்கள்,' நாங்கள் துஸ்தர் ( ஈரானில் உள்ள  நகரம் ) நகரத்தை வெற்றி கொண்ட பொழுது ,நாங்கள் ஓர் பெட்டியைக் கைப்பற்றினோம்.அந்த பெட்டியில் ஒருவரது உடல் இருந்தது .அன்னாரது மூக்கு நமது கைகளின் அளவிற்கு நீளமாக இருந்தது.அவரது இரத்தநாளம் மற்றும் சுரப்பிகள் பாதுகாக்கபட்டிருந்தது.அன்னாரது உடல் உயிரோடு உள்ளவர்களின் உடல் போன்று ஸலாமத்தாக இருந்தது. அங்குள்ள மக்கள் அன்னாரது வஸீலாவினால் மழை மற்றும் பரக்கத்தை வேண்டி துஆ செய்வதாக கூறினர்.

இது குறித்து நாயகத் தோழர் ஹழ்ரத் ஸெய்யிதினா அபூ மூஸா அஷ்அரி رضي الله عنه அவர்கள்,அச்சமயம் கலீபாவாக இருந்த  அமீருல் முஃமினீன் பாரூக்குல் அஃலம் ஸெய்யிதினா உமர் கத்தாப் رضي الله عنه அவர்களுக்கு கடிதம் எழுதினார்கள்.

இதற்கு பதில் எழுதிய அமீருல் முஃமினீன் ஸெய்யிதினா உமர் கத்தாப் رضي الله عنه அவர்கள் ,இதுவாகிறது அல்லாஹ்வின் நபிமார்களில் ஒருவராகிய ஸெய்யிதினா தான்யால் عَلَيْهِ ٱلسَّلَامُ ஆவார்கள் என்று எழுதினார்கள்.

மேலும் நபிமார்களின் பரிசுத்த மேனியை நெருப்பும் ,மண்ணும் தீண்டாது.அவர்களை அடக்கம் செய்திட கட்டளையிட்டார்கள்.அதன் பேரில் நாயகத் தோழர்கள் ஸெய்யிதினா அனஸ் رضي الله عنه மற்றும்  ஸெய்யிதினா அபூ மூஸா அஷ்அரி رضي الله عنه அவர்கள் ,அல்லாஹ்வின் தூதராகிய ஸெய்யிதினா தான்யால் عَلَيْهِ ٱلسَّلَامُ அவர்களை அடக்கம் செய்தார்கள்.

📚முஸன்னப் அபீ ஷைபா ,பாகம் 11,ஹதீஸ் எண் 34399

தஸவ்வுப்

ஷெய்குல் இஸ்லாம் இமாம் முஹம்மது இத்ரீஸ் ஷாபிஈ رضي الله عنه அவர்கள் நவின்றார்கள் , " தஸவ்வுப் (என்னும் மெஞ்ஞானத்தை தனது) வாழ்வில் செயல்படுத்தாத புத்திக்கூர்மையுள்ள மனிதன் ,ஜுஹ்ர் என்னும் நிலையை முட்டாளாகத்தான் அடைவான் " 

  📚 நூல் : இமாம் அபூ நுஐம் இஸ்பஹானி رَحِمَهُ ٱللَّٰهُ, ஹில்யதுல் அவ்லியா,9/142

வஸீலாவைப் பற்றி வஹாபிகள்

🌹 வஸீலா 🌹

இப்னு தைமிய்யாவின் மாணவர் இப்னு கைய்யூம் எழுதுகின்றார், " முஸ்லிம் உம்மத்திற்கு இவ்வுலகிலும் ,ஆகிரத்திலும் கிடைக்கும் அனைத்து கைர்  ,பரக்கத்தும் பூமான் நபி  ﷺ அவர்களது கரங்களின் மூலமே கிடைக்கின்றன,அவர்களின் மூலமே வந்தடைகின்றன." 

📚 ஜாதுல் மாத்,பாகம் 1,பக்கம் 149

இனி இதனை மறுதலிக்கும் வஹாபிகள் குருவை மிஞ்சிய சிஷ்யர்கள் போலும்

வலிமார்களிடத்தில் வஸீலா

🌹 வலிமார்களிடத்தில் வஸீலா 🌹

இமாம் தஹபி رَحِمَهُ ٱللَّٰهُ அவர்கள் எழுதுகின்றார்கள் , " ஷெய்கு அப்துல் ரஹ்மான் பின் இப்ராஹீம் அல் மக்திஸி ஹன்பலி رَحِمَهُ ٱللَّٰهُ அவர்களது மகனாருக்கு கண் பார்வை பறிபோனது ,சில காலம் கழித்து அவருக்கு பார்வை மீண்டு வந்து பொழுது இது பற்றி ஷெய்கு அப்துல் ரஹ்மான் பின் இப்ராஹீம் அல் மக்திஸி ஹன்பலி அவர்களிடம் கேட்கப்பட்டது . அன்னார்  ," நான் எனது மகனை அழைத்துக் கொண்டு இமாம் அஹ்மது பின் ஹன்பல் رضي الله عنه ( மறைவு ஹிஜ்ரி 241) அவர்களது மக்பாரவிற்கு சென்று பின்வருமாறு துஆ செய்தேன், ' யா அஹ்மது பின் ஹன்பல் அவர்களே ! உங்களிடத்தில் ஓர்  வேண்டுகோள் சமர்பிக்கின்றேன். இன்னும் தங்களை அல்லாஹ்  سبحانه و تعالى விடத்தில் வஸீலாவாக முன்னிறுத்தி துஆ செய்கின்றேன்- யா அல்லாஹ் ! எனது மகனுக்கு ஷிபா நல்கிடு. அவனது பார்வையை திரும்பச் செய்திடு " என்று துஆ செய்தேன். அன்றிரவு எனது மகனது பார்வை திரும்ப வந்ததை நான் கண்டேன் என்று நவின்றார்கள். ஸுப்ஹானல்லாஹ் ! 

📚 தாரீகே இஸ்லாம்,பாகம் 45,பக்கம் 194

பூமான் நபி அவர்களிடம் உதவி தேடுவது

🌹பெருமானார்  ﷺ அவர்களிடம்  உதவி தேடுவது 🌹

இமாம் பைஹகீ رَحِمَهُ ٱللَّٰهُ அவர்கள் ஸஹாபா பெருமக்களை கண்ட தாபஈ ஒருவர் கூறுவதாக எழுதுகின்றார்கள் , 

" எங்களிடையே மதீனாவில் ஒரு நபர் இருந்தார்.அவர் எப்பொழுதெல்லாம் ஒரு தீமை நேரிட்டு அதனை தமது கரங்களை கொண்டாகிலும் தடுக்க இயலாத  நிலை உண்டாகிறது ,அப்பொழுதெல்லாம் அல்லாஹ்வின் ஹபீப் முஸ்தபா  ﷺ அவர்களது புனிதமிகு ரவ்ழா ஷரீபிற்கு சென்று " அஹ்லே கப்ருடையவர்களே ! உதவி புரிபவர்களே  ! எங்களின் நிலையை தயை கூர்ந்து காணுங்கள் ! " என்று கூறுவார்.

 📚 இமாம் பைஹகீ رَحِمَهُ ٱللَّٰهُ,  ஷுஅபுல் ஈமான் ,ஹதீஸ் # 3879

துஆக்கள் ஏற்றுக் கொள்ளப்படும் இடம்

🌹 அன்பியாக்கள்,வலிமார்களது கப்ருகள் துஆக்கள் ஏற்றுக் கொள்ளப்படும் இடம் 🌹

அஸ்மா வ ரிஜால் கலையின் மாபெரும் அறிஞரான இமாம் தஹபி رَحِمَهُ ٱللَّٰهُ அவர்கள் எழுதுகின்றார்கள்,

" அன்பியாக்கள் மற்றும் வலிமார்களது கப்ரு ஷரீபின் அருகே துஆக்கள் ஏற்றுக்கொள்ளப்படுகின்றன." 

📚 இமாம் தஹபி رَحِمَهُ ٱللَّٰهُ, ஸியாரு அலாமின்நுபலா ,பாகம் 17,பக்கம் 77

இமாம் தஹபி رَحِمَهُ ٱللَّٰهُ அவர்களது கூற்றின் படி ஹதீதுகளை ஸஹீஹ்,ளயீப்,மவ்தூ என்பதை ஏற்றுக் கொள்ளும் வஹாபிய கொள்கைவாதிகள்,நபிமார்கள் ,வலிமார்களது கப்ருகள் துஆக்கள் ஏற்றுக் கொள்ளப்படும் என்பதையும் தமது சிந்தையில் கொண்டு ஷிர்க் ,பத்வா வழங்கத் தயாரா ? என்பதை விளக்க வேண்டும்.

இஸ்திகாஸா

🌹 இஸ்திகாஸா 🌹

ஷெய்குல் இஸ்லாம் இமாம் ஷிஹாபுத்தீன் ரமலி رَحِمَهُ ٱللَّٰهُ அவர்கள் ( மறைவு - ஹிஜ்ரி 957 ) தமது காலத்தின் மாபெரும் முஹத்திஸாகவும் ,ஷாபிஈ மத்ஹபின் முப்தியாகவும் திகழ்ந்தார்கள். அன்னார் ஷெய்குல் இஸ்லாம் இமாம் ஜக்கரிய்யா அன்சாரி رَحِمَهُ ٱللَّٰهُ அவர்களது பிரதான மாணவர் ஆவார்கள்.அன்னாரது ஹதீத் இஸ்னதுகள் அவர்களது ஆசிரியர் மூலம் வருகின்றன.

மேலும் அன்னார் ஷெய்குல் இஸ்லாம் இமாம் ஸுயூத்தி رَحِمَهُ ٱللَّٰهُ ,ஹாபிழ் இமாம் ஸக்காவி رَحِمَهُ ٱللَّٰهُ ஆகியோரிடமும் கற்றவர்கள் ஆவார்கள்.மம்லுக் ஸுல்தான்களின் ஆட்சிகாலத்தில் மிஸ்ரின் தலைமை முப்தியாவும்,ஜாமியா அல்-அஸ்ஹரின் தலைமை இமாமாகவும் சேவையாற்றினார்கள்.

இஸ்லாமிய உலகின் பல பகுதிகளிலும் இருந்தும் கல்வி தாகம் கொண்ட மாணவர்கள் அன்னாரிடம் கல்வி பயில வந்தனர்.அக்காலத்தில் பெரும்பாலான ஷாபிஈ பிக்ஹின் மாணவர்கள் ஒன்று அன்னாரது மாணவர்களாகவோ அல்லது அவர்களது மாணவர்களின் மாணவராகவோ இருந்தனர்.

அன்னாரது புகழ்பெற்ற மாணவர்கள்

கல்லுடைந்தாலும் சொல்லுடையாத ஷெய்குல் இஸ்லாம் இப்னு ஹஜர் ஹைத்தமீ رَحِمَهُ ٱللَّٰهُ

இமாம் ஷஃரானி رَحِمَهُ ٱللَّٰهُ

இமாம் கதீப் ஷிர்பினி رَحِمَهُ ٱللَّٰهُ

இமாம் ஷம்ஷுத்தீன் ரமலி رَحِمَهُ ٱللَّٰهُ ( மகனார்) 

இத்தகைய பெருங்கொண்ட மேதை எழுதுகின்றார்கள் ,

" அன்பியாக்கள் , வலிமார்கள்,மற்றும் ஸாலிஹீன்களிடம் உதவி தேடுவது அனுமதிக்கப்பட்டதாகும்.ஏனெனில் நல்லடியார்களான இம்மக்கள் இவ்வூலகை விட்டு துறந்த பின்னரும் நமக்கு உதவி புரிந்திட இயலும் ,அவர்களது முஃஜிஸாத் என்னும் அற்புதங்கள் அவர்கள் மறைந்த பின்னர் நின்றுவிடுவதில்லை " 

 📚   பதாவா ரமலி ,பக்கம் 740

மரணித்த பின்னர் உதவி தேடுவது !

இமாம் பைஹகீ رضي الله عنه அவர்கள் ,நாயகத் தோழர்களான சஹாபா பெருமக்களை கண்ட ஸலபுஸ் ஸாலிஹீன்களான தாபஈ ஒருவர் நவின்றார்கள் , " எங்களுடன் மதீனா முனவ்வராவில் ஒரு நபர் இருந்தார். அவர் எப்பொழுது தன் கைகளால் தடுக்க இயலாத பாவமான காரியத்தை கண்டால் ,பூமான் நபி  ﷺ அவர்களது சங்கைமிகும் ரவ்ழா ஷரீபிற்கு சென்று , ' அஹ்லே கப்ருவாசிகளே ! உதவி புரிபவர்களே ! தயை கூர்ந்து எங்களின் மீது ஆட்சி செய்பவர்களது (செயல்களை) தயை கூர்ந்து பாருங்கள் . என்று கூறுபவராக இருந்தார் " 

📚 ஷுஅபுல் ஈமான் ,ஹதீஸ் எண் : 3879

ஹயாத்துந் நபி ‎ﷺ ‏

இமாம் தாரிமி رضي الله عنه ( மறைவு - ஹிஜ்ரி 255 எழுதுகின்றார்கள் ) : 

ஹழ்ரத் ஸெய்யிதினா ஸயீத் பின் அப்துல் அஜீஸ் رضي الله عنه அவர்கள் அறிவிக்கின்றார்கள் , ( கொடுங்கோலன் யஜீத் மதீனாவை  தாக்கிய பொழுது ) மதீனா முனவ்வராவில் , மஸ்ஜிதுந் நபவியில் மூன்று நாட்கள் பாங்கு மற்றும் இகாமத் தடைபட்டது ( யஜீதிய படைகளால் தாக்கப்பட்டதால் ) ,அவ்வேளையில் தாபஈயான ஹழ்ரத் ஸெய்யிதினா ஸயீத் பின் முஸப் رضي الله عنه மஸ்ஜிதுந் நபவியில் இருந்தார்கள். அவர்கள் தொழுகையின் வக்தை கண்மணி நாயகம்  ﷺ அவர்களது  புனிதமிகு ரவ்ழா ஷரீபில் வரும் பாங்கு சத்தம் மூலம் அறிந்து கொண்டார்கள்.

📚 முஸ்னத் தாரிமி ,பாகம் 1,பக்கம் 89 ,ஸனத் ரிஜால் திகா

வலிமார்களை நேசிப்பது !

இமாம் இப்னு ரஜப் ஹன்பலி رَحِمَهُ ٱللَّٰهُ ( மறைவு - 795 ஹிஜ்ரி) அவர்கள் எழுதுகின்றார்கள் , 

" அல்லாஹ்வின் நேசர்களான வலிமார்களை நேசிப்பது ஈமானின் அடையாளமாகும். அவர்களை வெறுப்பது ஹராமாகும் ,ஏனெனில் அது முனாபிக்தனத்தின் அடையாளமாகும் " 

📚 பத்ஹுல் பாரி ஷரஹ் புஹாரி , பாகம் 1 ,பக்கம் 66

பூமான் நபியின் புகழ் !

" பூமான் நபி  ﷺ அவர்களது புகழ் அகிலத்தாருக்குள் இன்று நேற்று வந்ததல்ல.பூர்வீகத்திலே அந்தப் புகழைக் கொண்டு மழைமேகம் மழையை வரிசிப்பது போல் வரிசித்துக் கொண்டே இருக்கின்றது.ஆகையால் எந்த மடையனாவது சாடை,சைக்கினைக்காவது நாயகத்தைப் புகழ்வதில் என்னைப் பழித்தால்.எனக்கு இடையூறு செய்கின்ற அவர்களை,கோள் சொல்கின்றவர்களை,அவர்களுடைய தலைகளை நான் நாயகத்தின் மீது செய்யும் புகழைக் கொண்டு உடைத்து நொறுக்கிடுவேன் " 

 📚 வித்ரியா ஷரீப், மாதிஹுர் ரஸூல்,ஷரஹுப் புலி  இமாம் ஸதகத்துல்லாஹ் காதிரி காஹிரி قدس الله سره العزيز

வழிகேடர்களுக்கு மறுப்புரை !

ஏந்தல் நபி  ﷺ அவர்களது அருமைத் தோழர்கள்,வழிகாட்டும் நட்சத்திரங்களான ஸஹாபா பெருமக்களை சந்திந்த தாபஈ ஸெய்யிதினா இப்ராஹீம் அந்நகாயி رضي الله عنه அவர்கள் நவின்றார்கள் , "( அஹ்லுஸ் ஸுன்னத் வல் ஜமாத்திற்கு மாற்றமான)  வழிகெட்ட கொள்கைவாதிகளை பின்பற்றுவோரின் தவறுகளை சுட்டிக்காட்டுவது புறம்பேசுவதாகாது " 

📚 *ஷரஹ் உஸுல் அகாயித் ,1/140*

ஸலவாத்தின் சிறப்புகள்

🌹வான்மறை புகழும் திங்கள் நபி  ﷺ அவர்களது ஸலவாத்தின் சிறப்புகள் 🌹

உம்மத்திற்கு உதவும் ஏந்தல் நபி  ﷺ 

ஹழ்ரத் ஸெய்யிதினா இமாம் ஸுப்யானுஸ் ஸவ்ரி رَحِمَهُ ٱللَّٰهُ ( மறைவு ஹிஜ்ரி 161) அவர்கள் நவின்றார்கள்,

" நான் ஒரு நாள் வெளியில் நடந்து சென்று கொண்டிருக்கும் வேளையில் ,ஒரு இளைஞன் தான் எடுத்து வைக்கும் ஒவ்வோரு அடிக்கும் ஸலவாத்து கூறிய வண்ணம் சென்று கொண்டிருப்பதைக் கண்டேன். 

நான் அவ்விளைஞனிடம் கண்மணி நாயகம்  ﷺ அவர்கள் மீது இவ்வாறு பேணுதலுடன் ஸலவாத் ஓதுவதன் காரணத்தை கேட்ட பொழுது ,அந்த இளைஞர் கூறினார் , 'நான் எனது தாயாருடன் ஹஜ்ஜுக்கு சென்ற பொழுது,அவர்களுக்கு அங்கு மவ்த் ஏற்பட்டுவிட்டது.எனது தாயாரின் முகம் கருத்து விட்டது,மற்றும் அவர்களது வயிற்றுப்பகுதி வீங்கியது. பெரும் பாவம் காரணமாக இவ்வாறு நிகழ்ந்து விட்டது என்று நான் அறிந்து கொண்டேன்.

மனம் வருந்தி நான் அல்லாஹ்  سبحانه و تعالى விடம் கையேந்தி மன்னிப்பு கோரினேன்.அப்போது வானில் மேகத்தில் இருந்து  ஒருவர் வெளியானார்கள்.அன்னார் தமது புனிதமிகு கரங்களால் எனது தாயாரின் முகத்தில் சுற்றிட எனது தாயாரின் கருத்த முகம் மாறி ஜொலிக்கத் துவங்கியது.அவ்வாறே எனது தாயாரின் வயிற்றின் மேலும் சுற்றிட அதன் வீக்கம் முழுமையாக மறைந்து போயிற்று.

நான் அவர்களிடம்,எனது தாயாருக்கும் ,எனக்கும் உண்டான வேதனையிலிருந்து எங்களை காப்பாற்றிய  தாங்கள் யார் ? என்று வினவினேன்.

அன்னார் ,நான் உனது நபி முஹம்மது முஸ்தபா  ﷺ என்று நவின்றார்கள். உடன் ,நான் யா ரஸூல்லல்லாஹ் ! எனக்கு ஏதேனும் வஸியத் செய்திடுங்கள் என்று வேண்டி விரும்பினேன்.மறுவிலா முழுமதி எம்மான் நாயகம்  ﷺ அவர்கள்  , ' ஒவ்வொரு அடியெடுத்து வைக்கும் பொழுதும் என் மீதும் எனது குடும்பத்தார் மீதும் ஸலாவத் உரைப்பீராக " என்று கூறினார்கள்.

📚 மஸாலிக் அல்ஹன்பா அலா மஷரஹ் அஸ்ஸலாத் அல் முஸ்தபா  ﷺ , இமாம் கஸ்த்தலானி رضي الله عنه ,பக்கம் 164-165

தராவீஹ் பலவீனமான ஆதாரங்கள் !

🌹எட்டு ரக்அத் தராவீஹ் தொழுகைக்கான ளயீபான ஆதாரம் 🌹

இமாம் மாலிக் رضي الله عنه அவர்களது ஹதீதுக் கிரந்தமான "முவத்தா"  வில் வருகின்ற எட்டு ரக்அத் தராவீஹ் தொழுகை பற்றி விபரம் 

இமாம் காழீ அப்துல் பர் அந்தலூசி மாலிக்கி  رَحِمَهُ ٱللَّٰهُ ( மறைவு - ஹிஜ்ரி 463 ) கூறுகின்றார்கள் , 

முஹம்மது பின் யூசுப் அவர்கள் மூலமாக வருகின்ற இமாம் மாலிக் رضي الله عنه அவர்களது தராவீஹ் பதினொன்று ( எட்டு + மூன்று)  ரக்அத் என்ற அறிவிப்பு ளயீபானது.

அதே நூலில் முற்பகுதியில் அமீருல் முஃமினீன் ஸெய்யிதினா உமர் رضي الله عنه அவர்களது கிலாபத்தில் ஸஹாபாக்களது இருபது ரக்அத் தராவீஹ் தொழுகையை மேற்கோள் காட்டி எழுதுகின்றார்கள், இந்த அறிவிப்புகள் அனைத்தும் இமாம் மாலிக் رضي الله عنه அவர்களது 'முஅத்தா' கிரந்தத்தில் வரும் பதினொரு ரக்அத் ( எட்டு + மூன்று) ளயீபானது என்பதை குறிக்கின்றது.

ஸஹீஹான ரிவாயத் என்பது இருபது ரக்அத்துகள் வரும் அறிவிப்பேயாகும். 

📚 அல் இஸ்தித்கார் லீ மத்ஹப் உலமா ,இமாம் அப்துல் பர் رَحِمَهُ ٱللَّٰهُ ,பாகம் 5,பக்கம் 156

ஸஹாபாக்களது தராவீஹ்

🌹சத்திய சீலர்கள் ஸஹாபாக்களது இஜ்மா தராவீஹ் 🌹

இமாம் பைஹகீ رَحِمَهُ ٱللَّٰهُ அவர்கள் அறிவிக்கின்றார்கள் , " ஹழ்ரத் ஸயீப் பின் யஸீத் رضي الله عنه அவர்கள் நவின்றார்கள் , அமீருல் முஃமினீன் ஸெய்யிதினா உமர் கத்தாப் رضي الله عنه அவர்களது கிலாபத்தின் போது ,ரழமானில் இருபது ரக்அத்துகள் தராவீஹ் தொழுகை தொழுவோம்.இன்னும் கூறினார்கள் , அமீருல் முஃமினீன் ஸெய்யிதினா உஸ்மான் துன்னூரைன் رضي الله عنه அவர்களது கிலாபத்தில்  மீன் வரை ஓதிவிட்டு ,வெகுநேரம் நின்று ஓதுவதால் உண்டாகும் சிரமம் காரணமாக தமது கைத்தடிகளில் சாய்ந்து கொள்வர் " .

📚 இமாம் பைஹகீ رَحِمَهُ ٱللَّٰهُ ,ஸுனன் குப்ரா,ஹதீஸ் # 4617,ஷெய்குல் இஸ்லாம் இமாம் நவவி رضي الله عنهஇதன் ஸனது  ஸஹீஹ் என்கிறார்கள்.  அல் குலாஸா அல் அஹ்காம்,ஹதீஸ் # 1961

🌹ஸஹாபாக்கள் மற்றும் ஸலபுஸ் ஸாலிஹீன்களது  இஜ்மா தராவீஹ் 🌹

இமாம் திர்மிதி رَحِمَهُ ٱللَّٰهُ அவர்கள் நவின்றார்கள் , " மார்க்கம் கற்று அறிந்த பெரும்பான்மையோர் ,இருபது ரக்அத்துகள் தராவீஹ் என்பதை ஸெய்யிதினா உமர் رضي الله عنه ,ஸெய்யிதினா அலீ رضي الله عنه மற்றும் ஏனைய ஸஹாபா பெருமக்களது அறிவிப்புகளில் இருந்தும் ஏற்றுக்கொண்டுள்ளனர்.ஸலபுகளான ஸெய்யிதினா ஸுப்யானுத் தவ்ரி رَحِمَهُ ٱللَّٰهُ ,இமாம் ஷாபிஈ رضي الله عنه, இமாம் அப்துல்லாஹ் இப்னு முபாரக் رضي الله عنه ஆகியோரும் அங்கனமே கூறினர். இமாம் ஷாபிஈ رضي الله عنه அவர்கள் மக்காவாசிகள் இருபது ரக்அத்துகள் தராவீஹ் தொழுததை தாம் பார்த்ததாக கூறியுள்ளார்கள் " 

📚 இமாம் திர்மிதி رَحِمَهُ ٱللَّٰهُ ,ஜாமிஉத் திர்மிதி,நோன்பின் பாடம்,ரமழானில் கியாம் குறித்த பாகம்,ஹதீஸ் # 806,ஸஹீஹ் ஹதீஸ் .

🌹தராவீஹ் தொழுகையை ஜமாத்துடன் தொழுத ஸஹாபா பெருமக்கள்  🌹

ஹதீஸ் 1 : 

 அப்துல் அஜீஸ் பின் ரபி கூறினார் , " ஸெய்யிதினா உபை இப்னு கஃப் رضي الله عنه  அவர்கள் மதீனாவில் ரமழானில் இருபது ரக்அத் மற்றும் மூன்று ரக்அத் வித்ரு தொழுகைக்காக மக்களுக்கு இமாமத் செய்தனர்

ஹதீஸ் 2 : 

  அபுல் ஹசனா அவர்கள் நவின்றார்கள் , " அமீருல் முஃமினீன் ஸெய்யிதினா அலீ  كرم الله وجهه இருபது ரக்அத் தொழுகைக்கு இமாமத் செய ய்திட உத்தரவிட்டார்கள்.

ஹதீஸ் 3 : 

  ஸெய்யிதினா நாபி பின் உமர் رضي الله عنه அவர்களிடமிருந்து வகீ அறிவிக்கின்றார்கள் , " ஸெய்யிதினா இப்னு அபீ முலைகா رضي الله عنه அவர்கள் ரமழானில் இருபது ரக்அத் தொழுகையில் எங களுக்கு இமாமத் செய்தார்கள் " 

📚 முஸன்னப் இப்னு அபீ ஷைபா ,ஹதீஸ் # 7766,7763,7765

🌹 ஸஹாபாக்களது தராவீஹ் ஜமாஅத் 🌹

ஹழ்ரத் ஸயீத் பின் யசீத் رضي الله عنه அவர்கள் நவின்றார்கள் , " அமீருல் முஃமினீன் ஸெய்யிதினா உமர் பாரூக் رضي الله عنه அவர்களது கிலாபத்தில் ஸஹாபா பெருமக்கள் இருபது ரக்அத் தராவீஹ் தொழுதனர்.இமாம் அவர்கள் தராவீஹ் தொழுகையில் நூற்றுக்கணக்கான ஆயத்துகளை ஓதினர்.அதன் தொடர்ச்சியாக அமீருல் முஃமினீன் ஸெய்யிதினா உஸ்மான் துன்னூரைன் رضي الله عنه அவர்களது கிலாபத்தில் மக்கள் தொழுகையில் தடிகளால் தாங்கிக் கொண்டிருந்தனர்.

📚 இமாம் பைஹகீ رضي الله عنه  ,ஸுனன் குப்ரா

உம்மத்தின் அமல்களை காணும் ஏந்தல் நபி ‎ﷺ ‏

🌹திருநபி  ﷺ அவர்களது சங்கைமிகும் சமூகத்தில் உம்மத்தின் அமல்கள் 🌹

ஷெய்குல் இஸ்லாம் இமாம் இப்னு ஹஜர் அஸ்க்கலானி رَحِمَهُ ٱللَّٰهُ அவர்களது ஆசிரியப் பெருந்தகை இமாம் நூருத்தீன் ஹைத்தமீ ஷாபிஈ அஷ்அரீ மிஸ்ரி رَحِمَهُ ٱللَّٰهُ அவர்கள் ( மறைவு - ஹிஜ்ரி 807)  , தமது ஹதீது கிரந்தந்தில் பதிவு செய்துள்ளார்கள்,

ஸெய்யிதினா அப்துல்லாஹ் இப்னு மஸ்வூத் رضي الله عنه அவர்கள் அறிவிக்கின்றார்கள் ,அண்ணல் எம்பெருமானார்  ﷺ அவர்கள் நவின்றார்கள் , " என்னுடைய பிறப்பும் உங்களுக்கு ரஹ்மத்தாக இருக்கின்றது, துன்யாவை விட்டும் என்னுடைய மறைவும் உங்களுக்கு ரஹ்மத்தாக இருக்கும்.உங்களுடைய அமல்கள் என்னிடம் சமர்பிக்கப்படுகின்றது. அவை நல்லமல்களாக இருக்கும் பட்சத்தில் நான் அல்லாஹ்  سبحانه و تعالى வை புகழ்ந்து ,நன்றி செலுத்துகின்றேன்.தீய அமல்களாக இருக்கும் பட்சத்தில் நான் அல்லாஹ்  سبحانه و تعالى விடத்தில் அதனை மன்னித்துவிடக் கோரி துஆ செய்கின்றேன். " 

📚 மஜ்மஉஸ் ஸவாயித்,பாகம் 8,பக்கம் 427,ஹதீஸ் # 14250 

மிஸ்ரில் பிறந்த இமாம் நூருத்தீன் ஹைத்தமீ رَحِمَهُ ٱللَّٰهُ அவர்கள் ,ஷெய்குல் இஸ்லாம் இமாம் தகீயுத்தீன் சுப்கி رَحِمَهُ ٱللَّٰهُ அவர்களது மாணவர் இமாம் ஹாபிழ் ஜைனுத்தீன் இராக்கி ஷாபிஈ رَحِمَهُ ٱللَّٰهُ அவர்களிடம் ஹதீதுக் கலையைக் கற்றனர்.

ஷபே பராஅத்

ஹழ்ரத் ஸெய்யிதினா முஆத்  பின் ஜபல் رضي الله عنه அவர்கள் அறிவிக்கின்றார்கள் ,கண்மணி நாயகம்  ﷺ அவர்கள் நவின்றார்கள் , " அல்லாஹ்  سبحانه و تعالى ஷஃபான் மாதத்தின் இரவில்  தன் அடியார்களை நெருங்கி வருகின்றான்.இணை வைப்பவன் மற்றும் விரோதம் கொள்பவன் ஆகியோரைத் தவிர மற்ற எல்லோரது பாவங்களையும் மன்னிக்கின்றான் "

ஆதாரங்கள் : 

 📚 ஸஹீஹ் இப்னு ஹிப்பான் ,பாகம் 12,பக்கம் 479,ஹதீஸ் # 5665

  📚இமாம் தப்ரானீ,அல் முஜம்அல் கபீர்,பாகம் 20,பக்கம் 108,ஹதீஸ் # 215.

  📚 இமாம் தப்ரானீ,அல் முஜம்அல் அவ்ஸாத்,பாகம் 07,பக்கம் 36,ஹதீஸ் # 6776.

📚 இமாம் தப்ரானீ,அல் முஸ்னத் ஷாமியீன்,பாகம் 1,பக்கம் 128,ஹதீஸ் # 203.

 📚 இமாம் தாரகுத்னீ ,நுஸுல்,பாகம் 01,பக்கம் 58,ஹதீஸ் # 77

 📚  இமாம் பைஹகீ ,ஷுஅபுல் ஈமான்,பாகம் 9,பக்கம் 24,ஹதீஸ் # 6204

 📚 இமாம் பைஹகீ,பழாயில் அல் அவ்காத்,பாகம் 01,பக்கம் 22,ஹதீஸ் # 22

📚  இமாம் அபூநுஐம் இஷ்பஹானி ,ஹில்யதுல் அவ்லியா,பாகம் 5,பக்கம் 191

 📚  மறுப்பாளர்களது தலைவர் -இமாமுல் வஹாபியா,நஸீருத்தீன் அல்பானி ,ஸில்ஸிலா அல் ஹதீஸ் அல் ஸஹீஹ்,பாகம் 3,பக்கம் 135,ஹதீஸ் # 1144.

இமாம் இப்னு ஹிப்பான் رَحِمَهُ ٱللَّٰهُ அவர்கள் இந்த ஹதீதை ஷஃபான் மாதத்தில் அல்லாஹ்  سبحانه و تعالى தனது அடியார்களை மன்னிப்பது தொடர்பான அறிவிப்பு என்ற பாடத்தில் வைத்துள்ளார்கள்.

ஷெய்குல் இஸ்லாம் இமாம் இப்னு ஹஜர் ஹைத்தமி அஷ்ஷாபிஈ رَحِمَهُ ٱللَّٰهُ அவர்கள் எழுதுகின்றார்கள் , " முஜம் அல் கபீர் மற்றும் முஜம் அல் அவ்ஸாதில் இமாம் தப்ரானீ رَحِمَهُ ٱللَّٰهُ அவர்கள் பதிவு செய்துள்ள இந்த ஹதீதின் அறிவிப்பாளர் தொடர் 'திகா' வாகும் " 

  📚 மஜ்முஸ் ஸவாயித்,பாகம் 8,பக்கம் 126,ஹதீஸ் # 12860

இமாம் இப்னு ரஜப் ஹன்பலி رَحِمَهُ ٱللَّٰهُ அவர்கள் எழுதுகின்றார்கள் இந்த ஹதீத் ஸஹீஹானது என்று எழுதுகின்றார்கள்.

 📚 லதாயிப் அல் மவாரிப்,பாகம் 01,பக்கம் 224

மிஃராஜ் நோன்பு

*மிஃராஜ் நோன்பின் சிறப்பும்*

*மார்க்க அறிஞர் பெருமக்களின் கூற்றும்* 

➖➖➖➖➖➖➖➖➖➖➖➖➖➖➖

📌وَعَنْ أَبِي هُرَيْرَةَ رَضِيَ الله   عَنْهُ  عَنِ النَّبِي ﷺِّ قَالَ  مَنْ صَامَ يَوْمَ السَّابِعَ وَالْعِشْرِينَ مِنْ رَجَبَ كُتِبَ لَهُ ثَوَابُ

صِيَامِ سِتِّينَ شَهْرًا

الغنية ١/١٨٢

 واحياء علوم الدين : ١/٣٢٨‎

நபி ஸல்லல்லாஹு அலைஹி வஸல்லம் அவர்கள் கூறினார்கள் 

யார் ஒருவர் ரஜப் மாதம் 27-ம் நாள் நோன்பு நோற்கிறாரோ 

அவருக்கு 60 மாதம் நோன்பு நோற்ற கூலி எழுதப்படும் 

நூல்: ஃகுன்யத்துத் தாலிபீன்- கவ்துல் அஃலம் முஹையத்தீன் அப்துல் காதிர் ஜீலானி قدس الله سره العزيز, இஹ்யாவுலூமுத்தீன் - ஹுஜ்ஜதுல் இஸ்லாம் இமாம் கஸ்ஸாலி رضي الله عنه 

📌 ويندب صوم يوم الاثنين ويوم الخميس ويوم المعراج

(حاشية البرماوي علي شرح 

ابن قاسم  158)

திங்கள்கிழமை, வியாழக்கிழமை மற்றும் மிஃராஜ் தினம் ஆகிய நாள்களில் நோன்பு நோற்பது சுன்னத்தாகும்

நூல்: ஹாஷியத்துல் பர்மாவி அலா ஷறஹி இப்னு காஸிம்

📌 ﻭﻳﺴﺘﺤﺐ ﺻﻮﻡ ﻳﻮﻡ اﻟﻤﻌﺮاﺝ

(إعانة الطالبين ٢\٣٠٦)

மிஃராஜ் தினம் நோன்பு நோற்பது சுன்னத்தாகும்

நூல்: இஆனதுத் தாலிபீன் 

📌 ﻭﻳﺴﺘﺤﺐ ﺻﻮﻡ ﻳﻮﻡ اﻟﻤﻌﺮاﺝ

(حاشية الباجوري ٥٧٩)

மிஃராஜ் தினம் நோன்பு நோற்பது சுன்னத்தாகும்

நூல்: ஹாஷியத்துல் பாஜுரி

📌 ﻭﻳﺴﻦ ﺃﻳﻀﺎ ﺻﻮﻡ ﻳﻮﻡ اﻟﻤﻌﺮاﺝ ويوم لا يوجد فيه مايأكله  - برماوي

حاشية الجمل ٢/٣٤٩

மிஃராஜ் தினம் நோன்பு நோற்பது சுன்னத்தாகும்

நூல்:ஹாஷியத்துல் ஜமல்

 📌وَيُسْتَحَبُّ صَوْمُ يَوم الْمِعْرَاج

ِ{فَتْحُ الْعَلَّامِ (٢/٢٠٨

📌 وَالبَاجُورِي: ١/٣٩٢ 

📌وَفَتَاوَى الشَّالِيَاتِي : ١٣٥) 

மிஃராஜ் தினம் 

நோன்பு நோற்பது

சுன்னத்தாகும் 

நூல்: ஃபத்ஹுல் அல்லாம், பாஜுரி, 

ஃபதாவஷ் ஷாலியாத்தி

மிஃராஜ் நோன்பு சுன்னத் என்பதற்கான 

ஃபிக்ஹு நூற்களின்  ஆதாரங்கள்.. 

1) ويندب صوم يوم الاثنين ويوم الخميس ويوم المعراج

(حاشية البرماوي علي شرح ابن قاسم  158)

2) ﻭﻳﺴﺘﺤﺐ ﺻﻮﻡ ﻳﻮﻡ اﻟﻤﻌﺮاﺝ

(إعانة الطالبين ٢\٣٠٦)

3) ﻭﻳﺴﺘﺤﺐ ﺻﻮﻡ ﻳﻮﻡ اﻟﻤﻌﺮاﺝ

(حاشية الباجوري ٥٧٩)

4) ﻭﻳﺴﻦ ﺃﻳﻀﺎ ﺻﻮﻡ ﻳﻮﻡ اﻟﻤﻌﺮاﺝ ويوم لا يوجد فيه مايأكله  - برماوي

حاشية الجمل ٢/٣٤٩

5) 

‎وَعَنْ أَبِي هُرَيْرَةَ رَضِيَ الله   عَنْهُ  عَنِ النَّبِي ﷺِّ قَالَ  مَنْ صَامَ يَوْمَ السَّابِعَ وَالْعِشْرِينَ مِنْ رَجَبَ كُتِبَ لَهُ ثَوَابُ

صِيَامِ سِتِّينَ شَهْرًا

الغنية ١/١٨٢

6 ) واحياء علوم الدين : ١/٣٢٨‎

7) وَيُسْتَحَبُّ صَوْمُ يَوْم الْمِعْرَاج

ِ{فَتْحُ الْعَلَّامِ (٢/٢٠٨

8 ) وَالبَاجُورِي: ١/٣٩٢ 

9) وَفَتَاوَى الشَّالِيَاتِي : ١٣٥)

‎

‎

மிஃராஜ் நோன்பின் நிய்யத்

 *சுன்னத்தான மிஃராஜ் நோன்பை நோற்கிறேன்*

களாவான நோன்பு இருந்தால்... 

 *களாவான ரமளான் நோன்பையும், சுன்னத்தான மிஃராஜ் நோன்பையும் நோற்கிறேன் என்று நிய்யத் செய்யவும் ..

 *மிஃராஜ் பயணம்*

•┈•✿❁ ﷽ ❁✿•┈• 

கண்மணி நாயகம் ﷺ அவர்களுக்கு நுபுவ்வத் கிடைத்த பதினொன்றாம் வருடம் ரஜப் மாதம் பிறை 27 ஆம் நாளன்று திங்கட்கிழமை நாயகம் ﷺ அவர்களது பாட்டனார் அபூதாலிப் அவர்களுடைய மகளார் உம்மு ஹானிஃ  என்பவருடைய வீட்டில் துயில் கொள்ளும் போது வானவர் கோமான் ஹஜ்ரத் ஜிப்ரீல் (அலைஹிஸ்ஸலாம்) அவர்களது தலைமையில் ஒருசில மலக்குமார்கள் வருகை புரிந்தார்கள்.பின்னர்  நாயகம் ﷺ அவர்களை ஜம்ஜம் கிணற்றுக்கு அருகாமையில் கொண்டு சென்று பூமான் நபி ﷺ அவர்களுடைய திரு இதயத்தை எடுத்து ஜம் ஜம் நீரால் கழுவி அதில் இறை ஞானத்தை நிரப்பினார்கள்.

பின்னர் மஸ்ஜிதுல் ஹரமிலிருந்து பைத்துல் முகத்தஸை நோக்கியுள்ள பயணம்.இடையில்  பேரீத்தம் பழ மரங்கள் நிறைந்த ஓர் இடத்தை அடைந்தார்கள்.ஹஜ்ரத் ஜிப்ரீல் (அலைஹிஸ்ஸலாம்) அவர்கள் நாயகம் ﷺ அவர்களிடம் அந்த இடத்தில் இறங்கி தொழுமாறு கேட்டுக் கொண்டார்கள். நாயகம் ﷺ அவர்கள் இறங்கி தொழுகை நடத்தி திரும்பி வந்தார்கள்.பின்னர் ஜிப்ரீல் (அலைஹிஸ்ஸலாம்) அவர்கள் நாயகம் ﷺ அவர்களிடம் நாயகமே! தாங்கள் தொழுத அந்த இடம் எதுவென்று அறிவீர்களா..?

நாயகம் ﷺ அவர்கள் : இல்லை...

ஜிப்ரீல் (அலைஹிஸ்ஸலாம்) : அதுதான் தாங்கள் ஹிஜ்ரா பயணம் வருவதற்காக இறைவன் தேர்ந்தெடுத்த தைபா (மதீனா) என பதிலளித்தார்கள்.

{ நூல் : அல் அன்வார் }

அப்தழியத்

*அய்மா ஏ அர்பாக்களது அகீதா*

இமாமுல் அஃலம் அபூஹனீபா رضي الله عنه அவர்கள் நவின்றார்கள் , " கண்மணி நாயகம்  ﷺ அவர்களுக்கப் பின்னர் மனிதர்களில் சிறந்தவர்கள்  முதலாவது  ஸெய்யிதினா அபூபக்கர் ஸித்தீக் رضي الله عنه ,பின்னர் ஸெய்யிதினா உமர் கத்தாப் رضي الله عنه ,அதன் பின்னர் ஸெய்யிதினா உஸ்மான் துன்னூரைன் رضي الله عنه , அதன் பின்னர் ஸெய்யிதினா அலீ இப்னு அபூதாலிப் رضي الله عنه ".

📚 *பிக்ஹுல் அக்பர்*

இமாம் ஷாபிஈ رضي الله عنه அவர்கள் கிலாபத் குறித்தும் அப்தழியத் குறித்தும் நவின்றார்கள் ,

" நமது வரிசைப்பிரகாரமாகிறது  அபூபக்கர் رضي الله عنه ,உமர் رضي الله عنه , உஸ்மான் رضي الله عنه ,அலீ رضي الله عنه " .

📚 *அல் இக்திகாத்,இமாம் பைஹகீ* رضي الله عنه

இமாம் மாலிக் رضي الله عنه அவர்களிடம் ஷெய்கன்களது அப்தழியத் குறித்து வினவப்பட்ட பொழுது  அன்னார்  , " ஸெய்யிதினா அபூபக்கர், மற்றும் ஸெய்யிதினா உமர் ஆகியோரது அப்தழியத் குறித்து சிறிதும் சந்தேகம் இல்லை " என்று நவின்றார்கள்.

📚 *ஷரஹ் உஸுல் இக்திகாத் அஹ்லுஸ் ஸுன்னா*

இமாம் அஹ்மது இப்னு ஹன்பல் رضي الله عنه அவர்களிடம் ஸஹாபா பெருமக்களை நேசிப்பதாக  கூறி அவர்களிடையே தரஜாக்களில் பாகுபாடு மாட்டேன் என்று கூறும் நபர் பற்றி கேட்கப்பட்டது . அன்னார் , " குலபாயே ராஷிதீன்களது வரிசைப்பிரகாரம் அபூபக்கர் رضي الله عنه , உமர் رضي الله عنه ,உஸ்மான் رضي الله عنه மற்றும் அலீ رضي الله عنه ஆகியோருக்கு முன்னுரிமை அளிப்பது ஸுன்னத் " என்று நவின்றார்கள்.

📚 *அல் ஸுன்னாஹ் இப்னு ஹிலால்*

இதுவே அஹ்லுஸ் ஸுன்னத் வல் ஜமாத் தின் கொள்கை.இதற்கு மாற்றமாக கண்மணி நாயகம்  ﷺ அவர்களுக்குப் பின்னர் தலைசிறந்தவர்கள் ஸெய்யிதினா அலீ இப்னு அபூதாலிப்  كرم الله وجهه என்பவர்கள் வழிகெட்ட கொள்கையினர் ஆவர்.

ஹபீபின் மஹ்பூப்

🌹ஹபீபின் மஹ்பூப் 🌹

கலீபத ரஸூல்லல்லாஹ் ,ஸித்தீகுல் அக்பர், அமீருல் முஃமினீன் ஸெய்யிதினா அபூபக்கர் ஸித்தீக் رضي الله عنه அவர்கள் ஜமாதுல் ஆகிர்,பிறை 22,ஹிஜ்ரி 13  அன்று வபாத் ஆனார்கள்.

அமீருல் முஃமினீன் ஸெய்யிதினா அபூபக்கர் ஸித்தீக் رضي الله عنه அவர்கள் தமது இறுதி நேரத்தில் ,பூமான் நபி  ﷺ அவர்களது புனிதமிகு ரவ்ழாஷரீபின் முன் தமது உடலை வைத்து, " அல்லாஹ்வின் தூதரே !   அபூபக்கர் தங்களது திருச்சன்னிதானம் வர அனுமதி கோருகின்றேன்.ரவ்ழா ஷரீபின் கதவுகள் திறக்கபட்டால் ,என்னை கண்மணி நாயகம்  ﷺ அவர்களது சங்கைமிகும் கப்ருஷரீப் அருகே அடக்கம் செய்யவும்,இல்லையென்றால் ஜன்னத்துல் பகீயில் அடக்கம் செய்திட வேண்டும் " என்று வஸீயத் செய்தார்கள்.

ஷெய்குல் இஸ்லாம் இமாம் பக்ருத்தீன் ராஜி رَحِمَهُ ٱللَّٰهُ அவர்கள் குறிப்பிடுகின்றார்கள் , 

" அபூபக்கர் ஸித்தீக் அவர்களது ஜனாசா ,கண்மணி நாயகம்  ﷺ அவர்களது  புனித மிகும் ரவ்ழா ஷரீபிற்கு முன்னர் வைக்கப்பட்டு ,வஸீயத்தின் பிரகாரம் அனுமதி கோரப்பட்டது.' அஸ்ஸலாமு அலைக்கும் ,யா ரஸூல்லல்லாஹ் ! அபூபக்கர் இங்கு உள்ளார்' .ரவ்ழா ஷரீபின் கதவுகள் தானாக திறந்தது. ரவ்ழா ஷரீபில் இருந்து ,' நேசரை நேசரிடம் அனுப்பி வையுங்கள்.தமது நேசரை சந்திக்க நேசர் ஆர்வமுடன் உள்ளார் ' என்று கூறப்பட்டது .

📚 தப்ஸீர் கபீர்,ஸூரா கஃப்,வசனம் 9,பக்கம் 88,பாகம் 21.

📚கஸாயிஸுல் குப்ரா,இமாம் ஜலாலுத்தீன் ஸுயூத்தி رَحِمَهُ ٱللَّٰهُ

📚தாரீக் மதீனத் திமிஷ்க்,இமாம் இப்னு அஸாகிர் رَحِمَهُ ٱللَّٰهُ

📚 லிசான் அல் மீசான்,ஷெய்குல் இஸ்லாம் இமாம் இப்னு ஹஜர் அஸ்கலானீ رَحِمَهُ ٱللَّٰهُ

📚கன்சூல் உம்மால்,இமாம் முத்தக்கி ஹிந்தி رَحِمَهُ ٱللَّٰهُ

📚நுஸ்கத் அல் மஜாலிஸ்,அஸ் ஸபூரி رَحِمَهُ ٱللَّٰهُ

📚ஸீரா அந்நபவிய்யா,இமாம் ஹலபி رَحِمَهُ ٱللَّٰهُ

📚 ஜாமிஆ கராமாதில் அவ்லியா,இமாம் யூசுபுந்நபஹானி رَحِمَهُ ٱللَّٰهُ 

இச்சம்பவம் மூலம் கண்மணி நாயகம்  ﷺ அவர்கள் ஹயாத்துந்நபியாக இருக்கின்றார்கள் என்பதும்,இதுவே ஸஹாபா பெருமக்களது அகீதா என்பதும் தெளிவாக தெரிகின்றது 

நபிமார்களுக்குப் பின்னர் மனிதர்களில் சிறந்தவர்!

🌹நபிமார்களுக்குப் பின்னர் மனிதர்களில் சிறந்தவர் 🌹

அறிவின் தலைவாயில் அமீருல் முஃமினீன் ஸெய்யிதினா அலீ இப்னு அபூதாலிப்  كرم الله وجهه அவர்கள் கூபாவின் மிம்பரில் நின்று தப்தீழிகளுக்கு (  ஷெய்கைன்களது அப்தழீயத்தை மறுப்பவர்கள்)  அறைகூவல் விடுக்கின்றார்கள் 

" நிச்சயமாக கண்மணி நாயகம்  ﷺ அவர்களுக்குப் பின்னர் மனிதர்களில் தலைசிறந்தவர் ஸெய்யிதினா அபூபக்கர் ஸித்தீக் رضي الله عنه அவர்களும்,பின்னர் பாரூக்குல் அஃலம் ஸெய்யிதினா உமர் கத்தாப் رضي الله عنه அவர்கள் ஆகியோர் தான்" .

📚 முஸ்னத் அஹ்மது,ஹதீஸ் # 833-837 ,ஸஹீஹ் ஸனது

இமாம் ஷாபிஈயும் வஸீலாவும்

🌹இமாம் முஹம்மது பின் இத்ரீஸ் ஷாபிஈ رضي الله عنه வும்,வஸீலாவும் 🌹

இமாம் முஹம்மது பின் இத்ரீஸ் ஷாபிஈ رضي الله عنه அவர்கள் நவின்றார்கள் , " 

நான் இமாமுல் அஃலம் அபூஹனீபா رضي الله عنه அவர்களிடம் இருந்து பரக்கத் பெறுவேன் ,இன்னும் தினமும் அவர்களது மக்பராவை ஜியாரத் செய்வேன். எப்பொழுதாவது எனது குறிப்பிட்ட தேவைகள் இருக்கும் போது ,இரண்டு ரக்அத்துகள் தொழுது ,பின்னர் இமாமுல் அஃலம் அவர்களது மக்பராவிற்கு வந்து ,அல்லாஹ்விடம் எனது தேவைகளை முறையிடுவேன். சிறிது நேரத்தில்  எனது தேவைகள் நிறைவேறி விடும் " 

📚 இமாம் கதீப் அல் பக்தாதி رَحِمَهُ ٱللَّٰهُ, தாரீக் பக்தாத் ,பாகம் 1 ,பக்கம் 134